Vawiin chawhnu dar 1:00 khan Lawngtlai DC Conference Hall-ah Pu B. Lalhmingthanga, DC, Lawngtlai kaihhruaiin Multi Modal Transport Project (MMTP)-a mawhphurtu sorkar officer te leh Lawngtlai Chandmary Veng YLA hruaitute inkawmin MMTP in a sut chhiat tur Lawngtlai-IV thlanmual sawn dan tur leh a kaihhnawih compensation chungchang an sawi ho.
Meeting ah hian Lawngtlai IV thlanmual thar panna kawng RDS Company hmanga laih tur te, thlanmual thara Thlanmual In sak dan tur leh tui lak dan tur an sawi ho bawk a ni.
