37/2026-2027

Lawngtlai, 2nd April 2026 : Vawiin khan Deputy Commissioner Office Lawngtlai-ah Deputy Commissioner Office Staff-te pualin Lawngtlai District - ah a hmasa ber atan Census 2026 Phase -I Self Enumeration bultanna neih a ni. A hnuaiah hian Press Release kimchang dah a ni e. 

SELF ENUMERATION PRESS RELEASE

Vawiin 2th April, 2026( Thursday) dar 3:00 P.M. khan Lawngtlai District Bawrhsap Pu Donny Lalruatsanga kaihhruina in Deputy Commissioner Office Lawngtlai-ah Deputy Commissioner Office Staff-te pualin Lawngtlai District ah a hmasa ber atan Census 2026 Phase -I Self Enumeration bultanna neih a ni a, DC Office Lawngtlai Staff-te chu Video Demo leh User Manual hmanga Self Enumeration tihdan zirhona neih pui an ni a,thil pawimawh tak tak Self Enumeration tihna tur Census portal se.census.gov.in te, portal-a tawng(Language) thlan fimkhur tul thu te, chhungkaw pakhat in chhungkaw lu ber  pa emaw nu emaw hminga in register a ngaih thu te leh thil pawimawh hrang hrang tarlan a ni bawk, tin he hunah hian practical session nei nghal in mi eng emaw zatin Self Enumeration tih fel sak a ni nghe nghe bawk. Census 2026 Phase -I Self Enumeration hi 1st April, 2026 – 15th April, 2026 thleng kal pui turin Mizoram sawrkar hnuaia Nodal Department General administration Department chuan a ruahman a ni.