Mizoram Legislative Assembly (MLA) Inthlanpui 2018 chu Lawngtlai District chhunga assembly constituency pathuma polling station 160-ahte November ni 28, 2018 khan tluang taka zawh a ni.
Mizoram hmun dang ang bawkin Lawngtlai District chhunga constituency pathuma polling station 161-ahte hian zing dar 7-ah vote thlak ?an a ni a. Vote thlak hma hian khawl ?hat leh ?hat loh enchhin nan mock poll neih niin, polling station 160-ah chuan tluang takin inthlan kalpui hlawm a ni a. 36/35-Ajasora polling station-ah chuan EVM & VVPAT khawl buai avangin a hun takah vote thlak zawh theih a ni lo va, zan dar 12 hmain vote thlak tura intlar sate'n vote an thlak zo hman lo va; EVM hmanga vote thlak hian ni thar kai a rem loh avangin vote thlak hi khar a ni a. He polling station bikah hian ni hranah vote thlak ?hat a ngaih dawn leh dawn loh ECI thuchhuak ngaihchan mek a ni.
Lawngtlai District chhunga constituency pathuma polling station 161-a vote 80221 atangin vote 64615 (81%) a tla a. Polling station 59 awmna 36-Tuichawng (ST) Assembly Constituency-ah voter 30584 awmin, vote 25743 (84%) a tla a. Polling station 68 awmna 37-Lawngtlai West (ST) Assembly Constituency-ah voter 26124 awmin, vote 21520 (82%) a tla a. Polling station 34 awmna 38-Lawngtlai East (ST) Assembly Constituency-ah voter 23513 awmin, vote 17352 (74%) a tla bawk.
36-Tuichawng bialah 36/51-Bilosora polling station-a vote 244 awmah vote 232 (95%) tlain, vote tlak ?hatna ber a ni a. 36/57-Parva-III polling station-a vote 257 awmah vote 121 (47%) tlain, vote tlak chhiatna ber a ni.
37-Lawngtlai West bialah 37/54-Kakichhuah polling station-a vote 168 awmah vote 168 (100%) tlain, vote tlak ?hatna ber a ni a. 37/60-Va?huampui polling station-a vote 794 awmah vote 532 (67%) tlain, vote tlak chhiatna ber a ni.
38-Lawngtlai East bialah 38/15-Var?ekkai polling station-a vote 201 awmah vote 187 (93%) tlain, vote tlak ?hatna ber a ni a. 38/32-Bualpui NG-II polling station-a vote 464 awmah vote 289 (62%) tlain, vote tlak chhiatna ber a ni thung.
Vote thlak hun khar a nih hnuah polling station tina polling party-te chuan Lawngtlai an pan khawm nghal a. Strong room awmna Govt Lawngtlai College-ah lo dawnsawn zel niin, vote thlakna EVM leh polling material dangte chu felfai taka chhinchhiahin, EVM & VVPAT te chu Strong Room-ah dah luh nghal zel a ni a. Polling party-te hian harsatna awm lovin November ni 29, 2018 khan Lawngtlai an thleng kim thei vek a ni.
