DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlai-district-a-covid-19-no-tolerance-drive-day-19-report-13112020p

Lawngtlai District-a COVID-19 No Tolerance Drive Day 19 report (13.11.2020)

Lawngtlai, Sahmulphah thla ni 13, 2020: Mizoram puma 26.10.2020 atanga 30.11.2020 thlenga COVID-19 laka inven nana inkaihhruaina dan hrang hrang khauh zawka lekkawh tura 'COVID-19 No Tolerance Drive' ruahman chu Lawngtlai District chhungah pawh khauh taka kal chhohpui zel a ni a. Vawiinah tlai dar 5:00 thleng khan dan bawhchhia mi 91 man niin, pawisa Rs 10,900/- chawitir an ni a. No Tolerance Drive chhung hian dan bawhchhia mi 1129 man tawh niin, pawisa chawitir zat hi Rs 1,34,200/- a tling tawh a ni.

Vawiina dan bawhchhia mante hi vantlang hmuna hmai tuamna (mask) vuah tha lo mi 89 leh COVID-19 laka himna tura sawrkar ruahmanna leh inkaihhruaina dang zawm lo mi 2 an ni a. The Mizoram (Containment and Prevention of the Spread of COVID-19) Act, 2020 section 5(1) leh section 5(9) hnuaiah te hrem an ni.

Attachment