Lawngtlai, Sahmulphah thla ni 14, 2020: Mizoram puma 26.10.2020 atanga 30.11.2020 thlenga COVID-19 laka inven nana inkaihhruaina dan hrang hrang khauh zawka lekkawh tura 'COVID-19 No Tolerance Drive' ruahman chu Lawngtlai District chhungah pawh khauh taka kal chhohpui zel a ni a. Vawiinah tlai dar 5:00 thleng khan dan bawhchhia mi 43 man niin, pawisa Rs 5,300/- chawitir an ni a. No Tolerance Drive chhung hian dan bawhchhia mi 1172 man tawh niin, pawisa chawitir zat hi Rs 1,39,500/- a tling tawh a ni.

Vawiina dan bawhchhia mante hi vantlang hmuna hmai tuamna (mask) vuah tha lo mi 41, social distancing zawm lo mi 1 leh COVID-19 laka himna tura sawrkar ruahmanna leh inkaihhruaina dang zawm lo mi 1 an ni a. The Mizoram (Containment and Prevention of the Spread of COVID-19) Act, 2020 section 5(1), section 5(2) leh section 5(9) hnuaiah te hrem an ni.

Attachment

  • Loading attachment...