DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/lawngtlai-district-a-covid-19-no-tolerance-fortnight-daily-report-29102020p

Lawngtlai District-a COVID-19 No Tolerance Fortnight daily report (29.10.2020)

Lawngtlai, Khuangchawi thla ni 28, 2020: Mizoram puma 26.10.2020 atanga 9.11.2020 inkar chhunga COVID-19 laka inven nana inkaihhruaina dan hrang hrang khauh zawka lekkawh tura 'COVID-19 No Tolerance Fortnight' ruahman chu Lawngtlai District chhungah pawh khauh taka kal chhohpui zel a ni a. Vawiin tlai dar 5:00 thleng khan dan bawhchhia mi 45 man niin, pawisa Rs 5,400/- chawitir an ni a. Fortnight chhung hian dan bawhchhia mi 279 man tawh niin, pawisa chawitir zat hi Rs 29,750/- a tling tawh a ni.

Vawiina dan bawhchhia mante hi vantlang hmuna hmai tuamna (mask) vuah tha lo mi 44 leh COVID-19 laka himna tura sawrkar ruahmanna leh inkaihhruaina zawm lo mi 1 an ni.

Sawrkar thupek anga COVID-19 laka him nana khawsak phung duhawm (COVID-19 appropriate behaviour) zawm tura intiam, Jan Andolan Pledge la, Lawngtlai Bawrhsap office-a in-report vawiinah mi 102 an awm bawk.

Attachment