Lawngtlai, Khuangchawi thla ni 30, 2020: Mizoram puma 26.10.2020 atanga 9.11.2020 inkar chhunga COVID-19 laka inven nana inkaihhruaina dan hrang hrang khauh zawka lekkawh tura 'COVID-19 No Tolerance Fortnight' ruahman chu Lawngtlai District chhungah pawh khauh taka kal chhohpui zel a ni a. Vawiinah tlai dar 5:00 thleng khan dan bawhchhia mi 89 man niin, pawisa Rs 8,900/- chawitir an ni a. Fortnight chhung hian dan bawhchhia mi 368 man tawh niin, pawisa chawitir zat hi Rs 38,650/- a tling tawh a ni.

Vawiina dan bawhchhia mante hi vantlang hmuna hmai tuamna (mask) vuah that loh avanga the Mizoram (Containment and Prevention of the Spread of COVID-19) Act, 2020 section 4(1) hnuaia man an ni.

Hei bakah hian BJP Mizoram Pradesh-in sawrkar phalnaa nimin (29.10.2020)-a CYLA Hall, Lawngtlaia induction programme an hmanah COVID-19 laka himna tura sawrkarin inkaihhruaina a duante an zawm kim loh avangin, Lawngtlai Bawrhsap chuan the Mizoram (Containment and Prevention of the Spread of COVID-19) Act, 2020 section 4(9) tlawh chhanin Rs 1,000/- leh section 4(12) tlawh chhanin Rs 5,000/-, a zavaiin Rs 6,000/- a chawitir bawk.