870/2026-2027

Lawngtlai, the 5th June, 2026 : Vawiin chawhnu dar 3:30 PM khan Lawngtlai Bawrhsap Pu Donny Lalruatsanga kaihhruaiin a Office Chamber - ah Health Department hotute leh MJA Lawngtlai District hruaituten kawthalo leng chungchangah thutkhawm an nei.

Lawngtlai Bawrhsap Pu Donny Lalruatsanga chuan Darnamtlanga kawthalo hrileng nia sawi chu Sorkarin a vil reng thu leh mipui tan chiaina tur a awmloh thu a tarlang a. Tun dinhmuna vil mektu Medical Team - te thurawn ngaipawimawh tur leh he natna vei leh inringhlelte chuan Sub- Centre leh PHC pan zung zung turin a chah nghal bawk.

Dr. Lalmuanawma Jongte, Sr. CMO, Lawngtlai chuan damlo te natdan atangin hrileng chu Tuihri a nih a rinawmloh tih sawiin, sample lain enfiah turin hmalakna erawh kalpui tho a ni a ti a.Hrileng a awm tih hriat a nih hnuah Medical Team tirin nguntakin Darnamtlang hi vilin, an mamawhtur damdawi te pawh thawnluh a ni a ti a, tun dinhmunah Darnamtlang khawchhungah Damlo pali awmin an dinhmun a ngaihtuahawmloh va, Bungtlang South PHC - ah mi pahnih inentirte pawh Admit ngai an nilova, he natna vang hian Bungtlang South PHC ah mipakhat enkawlmek niin a dinhmun a tha tih CMO chuan a tarlang a.Sr. CMO chuan hriattheih chinah Kawthalo vei mi pasarih an awm a ti a, hrileng anga ngaihtheih a nih rihloh thu leh damlote pawh enkawlna thatak nen ngaihtuahawm an awmlo ani, a ti.

Kawthalo leh luak vangin June 2, 2026 khan kum 53 mi Pu Zeria chu a thi a, heimi hnu hian mipui an mangan zual deuh niin a hriat a, Darnamtlang hi In 115, mihring 540 vel chenna niin, Bungtlang South PHC hnuaia awm niin, Medical Officer kaihhruaina hnuaiah Medical Team ten nguntakin an vil mek a ni.

Thutkhawm ah hian Addl.DC, SDC leh Dy.CMO te an tel bawk a, Bawrhsap chuan lawm thusawiin thutkhawm hi a khar a ni.