1678/2024-2025

Dated Lawngtlai, 21st August 2024 : Vawiin khan District Sericulture Office, Lawngtlai District  bultumin 'One Week Sericulture Programme' chu Saikah Cluster-ah neih a ni a. Pu Lalrammawia, District Sericulture Officer,  chuan he hun hi a hmanpui.

Pu Lalrammawia chuan 'Saikah Cluster' ah hian Sericulture Farmers - 12 chuang an awm thu sawiin, an vai hian pangang khawi hmanga eizawng vek an ni, a ti. Sericulture Department chuan karkhat chhung 'technical training' farmers te hnena an pek pahin a enkawl hna an thawk phawt a, kar khat hnuah a farmers-te hnenah a chi (a tui) a pe lo in a pangangin an semchhuak a ni, a ti a. Farmers-te hian kar khat chhung pangang an khawi hnuah 'cocoon' an thar chhuak thei tawh mai dawn niin  a sawi. 

Pu Rammawia chuan pangang vulh hrim hrim hi thla khat chhung leka sum chang thei a nih avangin farmers- te kuta sum lut a rang a, eizawnna kawngah mizote  rilru nen pawh thil inrem tak nia a hriat thu a tarlang.  Farmers-ten chaw tha taka an pek chuan thla tin  sing hnih emaw sing thum  an lalut reng thei dawn tih sawiin, an silk (La) thar chhuah zawng zawng chu Sericulture Department-ten  an leisak leh vek dawn a ni, a ti.

 Saikah cluster- a Farmers te'n an khawi mek hi Eri silkworm a ni.