2772/2025-2026

Lawngtlai, 23rd December 2025: Tuihri ni ngei a ngaih natna inkaichhawn theih a leng mekah a hnuaia mi ang hian Lawngtlai Bawrhsap chuan thuchhuah a siam.

ORDER

No. J.11013/1/2025-DC (LTI): Tunlai hian Lawngtlai District-  ah tuihri ni ngei a ngaih natna inkaichhawn theih a leng mek tih hriat a ni a. He hri hi mihring hriselna atan leh nunna atan a pawi thei ni a hriat a ni. He hrileng hi ei leh in thianghlimlo atang leh hmun dang atanga mihring veivak ten an put darh a nih ber avangin, mipui hriselna nghawng thei leh fimkhur zawk a ngaih avangin thupek chhuah tula hriat a ni.

Chuvangin kei, *DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan Epidemic Diseases Act,1897 Section 2 leh Section. 163, Bharatiya Nagarik Suraksha Sanhita, 2023 (BNSS) in thuneihna min pek ang in a hnuaia thupek hi ka chhuah e.

1. Lawngtlai District chhunga International Border inkalpawhna zawng zawng thu leh awm hma khar vek a ni.

2. Natna hrik laka kan inven theih nan kut silfai, tui chhuanso emaw filter tui chauh in tur a ni.

3. Community Health Centre, Lawngtlai/Private Hospital ten hri vei enkawlna bik (Isolation Ward) an ruahman tur a ni.

4. Border kal tlang a sumdawnna reng reng kal phal a ni lo.

He thupek zawmlo chu Section, 223, Bharatiya Nyaya Sanhita, 2023 (BNS) hmanga hrem an ni ang.

He thupek hian thu leh awm hma chu thupek chhuah a nih atanga thla hnih(2) chhung a huam ang.

He thupek hi vawiin Date 23rd December, 2025 hian District Magistrate Seal - a nemnghetin hming ka ziah hnan e.

Sd/- 

DONNY LALRUATSANGA

District Magistrate

Lawngtlai District, Lawngtlai