4054/2025-2026

Lawngtlai, the 19th January, 2026: Vawiin chawhma dar 11:00 AM khan District Agriculture Marketing Committee (DAMC) Lawngtlai District chu Bawrhsap leh Chairman ni bawk Pu Donny Lalruatsanga hovin DC Conference Hall, Lawngtlaiah an thukhawm.

Pu Donny Lalriatsanga kalkhawmte lawmna thu a sawi a. Lawngtlai District chuan Agriculture lamah hmasawn a ngaih thu tarlangin, kuthnathawktute hmasawnna turin officials kalkhawmte chu tha thlah lova tan la zel turin a chahin, kum tharah tan lak thar a pawimawh thu a sawi bawk.

Pu Caleb Vanlalrinngama,ADAO, DAMC Member Secretary aiawh chuan report pekna a nei a. Sawhthing lei thawhkhatnaah leh thawhhnihna a Lawngtlai District chhungah sawhthing 378,387 kg lei a nih thu sawiin, Phase I&II aia Sawhthing thar tam a beisei thu a tarlang a ni. Kumin February ni 2 atanga May ni 30 thleng Lawngtlai district-ah lei a nih tur thu a sawi. Lawngtlai district-ah kuthnathawktute tharchhuah sawhthing leina hmun tur, Primary Collection Centre ruahman a ni a. Primary Collection Centre ten an dahkhawmna tur Secondary Collection Centre (SCC) chu hmun nga(5) - siam niin, SCC atang hian a leitu turte hnenah hralh chhuah leh thin a ni ang. Hmunphiah ro chu grade thliar lovin Kg 1 Rs. 80/- in a lei dawn a.

Thutkhawmah hian ruahmanna hrang hrang sawiho a ni a. Region wise a lei/lak hun MAMB , state sawrkar lam in siam se, Tender chungchangah pawh Reserved Price/floor price hi MAMB in region a zirin fix se tha tih tlan niin State sawrkar ah thlen nise tih a ni a . Superviser leh Asst. Superviser te workshop neih pui nise tih a ni a, District Level Committee on Evaluation & Audit Team- din niin Convener atan Member Secy, DAMC leh member atan-Concern SDC, Asst. Account Officer, Treasury Office, Lawngtlai, ADHO ,Horticulture Department, Lawngtlai leh Soil Dept atangin pakhat ruat an ni.

Vawiin Lawngtlai District Agricultural Marketing Committee (DAMC) thutkhawmah hian DAMC Member- te an telkim tha hle a, Pu Donny Lalruatsanga, Deputy Commissioner, Lawngtlai chuan lawm thu sawina neiin hun a khar.