2412/2026-2027

Lawngtlai, 29th September, 2026: Vawiin chawhma dar 10:00 AM khan Lawngtlai District Agriculture Marketing Committee (DAMC) chuan an Chairman leh Bawhrsap nibawk Pu Donny Lalruatsanga kaihhruaiin a Office Chamber- ah   thutkhawm an nei.

Pu Donny Lalruatsanga chuan kalkhawmte lawmna thu a sawi  a. Mizoram sawrkarin Bâna Kaih (Handholding Policy) a kalpui mekah Lawngtlai District chhunga Sawhthing chingtuten harsatna leh buaina liam tham an tawk lo nia hriat a ni chu a lawmawm hle a ni, a ti. Kum 2025- 2026 chhungin  sawhthing 7,09,799 Kg lai hralhchhuah a ni  leh Farmer- te hnena tanpuina  (MSP) Rs. 2,25,81,578/- sem  a ni  chu a lawmawm hle a ti. Sawhthing bikah Nodal Department - ten an vil tha a, Secondary Collection Centre (SSC) hruaituten theihtawp an chhuahna a fakawm tak zet a ni, a ti. Bawrhsap chuan kum 2026-2027 chhunga sawhthing lei leh hralh kalpui turah pawh thahnemngaih a ngai dawn hle tiin, a bik takin sawhthing chingtute, a viltu Department leh Secondary Collection Centre (SSC) - te pawh theihtawp chhuah chhunzawm zel  turin a chah nghal bawk.

Pu Caleb Vanlalrinngama, ADAO, leh  DAMC Member Secretary aiawh chuan report pekna a nei a. Kum 2025-2026 chhungin Lawngtlai District- ah sawhthing 7,09,799 Kg hralhchhuah niin, Farmer- te hnenah tanpuina (MSP)  Rs. 2,25,81,578/-  pek a ni, a ti. SCC zingah Sangau SCC chu hralhchhuak tha ber niin  4,66,659 Kg hralhchhuah a ni. Tun dinhmunah Farmers hming, Veng/Khua leh Bank nena Aadhaar link kalpui mek a nih thu a sawi a ni.

Thutkhawmah hian  thil pawimawh tak tak sawiho a ni a. Kum 2026-2027 chhunga Sawhthing lei leh hralh turah kum hmasa aia hmasawn turah hmalak ni se an ti a. Secondary Collection Centre - te pawimawhna ngaihthlak niin, tun dinhmuna titha tawk loten hma an sawn theih nan DAMC kaltlanga hmalak ni se an ti a ni. Lawngtlai District- atanga Sawhthing tharchhuah tihpun a tul tih pawm tlangin, chingtu an tam theih nan hmalak ni se, a tul anga Autonomous District Council - kaltlanga hmalak ni se an ti bawk a ni.

Vawiin Lawngtlai District Agricultural Marketing Committee (DAMC) thutkhawmah hian DAMC Member- te an telkim tha hle a, Bawrhsap chuan lawm thu sawiin hun a khar.