No.5698/2020-2021

Lawngtlai, Khuangchawi thla ni 2, 2020: Lawngtlai District mi leh sa state pawn atanga lo haw, COVID-19 hri leng laka fimkhur thila government quarantine facility leh home quarantine-a khung hran mek zat chu vawiin tlai dar 5:00 thleng khan mi 119 a ni a. An zinga mi 72 chu facility quarantine niin, mi 47 chu home quarantine an ni.

Vawiin khan state pawn atanga lo lut mi 21 lo thlen belhin, Medical Quarters-ah 17 leh Tourist Lodge-ah 4 dah an ni a. Vawiinah khung hran hun bi hmang zo mi 59 (Medical Quarters atangin 13, Tourist Lodge atangin 4 leh 71 RCC Camp-a home quarantine atangin 42) chhuahtir an ni thung a. Nimina District Hospital Lawngtlai TrueNAT Laboratory-a COVID-19 positive case hmuh chhuah belh mi 15 te chu an quarantine-na hmun, 71 RCC Camp atangin Lawngtlai Covid Care Centre (CCC)-ah sawn an ni bawk.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 240 leh Rapid Antigen Test hmangin sample 112 endik a ni ve tawh bawk a. Tun dinhmunah positive case 62 hmuh chhuah tawh niin, dama chhuak 37 an awm tawh a. Enkawl lai mi 25 (mipa 24 leh hmeichhia 1) chu Lawngtlai CCC-ah dah niin, ngaihtuahawm an awm lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 9
2. PWD Inspection Bungalow - 5
3. Medical Quarters - 33
4. Covid Care Centre - 25 (Positive case vek)
Total - 72

B. Home Quarantine - 47

Grand Total (A+B) - 119

Attachment

  • Loading attachment...