State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 12 a ni a. An zinga mi 4 (COVID-19 positive) chu Lawngtlai Covid Care Centre (CCC)-a enkawl niin, mi 8 chu home quarantine an ni.

Nimina District Hospital Lawngtlaia Rapid Antigen Test hmanga COVID-19 positive hmuh chhuah belh mipa 1 chu Lawngtlai CCC-ah dah luh a ni a. Lawngtlai District-a swab sample lak, Zoram Medical College (ZMC)-ah RT-PCR test hmangin sample 1,335; District Hospital Lawngtlaiah TrueNAT hmangin sample 2,541 leh Rapid Antigen Test hmangin sample 6,684 endik tawh a ni a. Tun dinhmunah positive case 333 hmuh chhuah tawh niin, dama chhuak 329 an awm tawh a. Positive enkawl lai Lawngtlai CCC-ah 4 (mipa 3 leh hmeichhia 1) an la awm.

COVID-19 hri danna Covishield chu Lawngtlai District-a healthcare worker-te'n January ni 19, 2021 atang khan la tanin, District Hospital Lawngtlai, Sangau PHC, Lungpher 'S' PHC, Bualpui NG PHC, Chawngte CHC, Borapansury PHC, Bungtlang 'S' PHC leh Vaseitlang MC-ah te a thawh khatna pek zawh tawh a ni a, a pumpuiah hri danna thawh khatna hi mi 700-in an la a ni.

Tuna Lawngtlai District-a quarantine/isolation dinhmun chu heti ang hi a ni:

1. Covid Care Centre - 4
2. Home Quarantine - 8
Total - 12

Attachment

  • Loading attachment...