Lawngtlai, Pawlkut thla ni 19, 2021: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 122 a ni a. An zinga mi 22 chu (COVID-19 positive Lawngtlai CCC-a enkawl mi 3 telin) facility quarantine niin, mi 100 chu home quarantine an ni.

State pawn atanga lo thlen belh mi 4 chu Lawngtlai AOC Veng-ah home quarantine niin, nimina District Hospital Lawngtlaia Rapid Antigen Test hmanga COVID-19 positive hmuh chhuah thar hmeichhe 1 chu Lawngtlai Covid Care Centre (CCC)-ah dah luh belh a ni bawk a. Khung hran hun bi hmang zo mi 22 (Tourist Lodge atangin 11 leh Medical Quarters atangin 11) chhuahtir ni thungin, COVID-19 positive enkawl dam mi 4 (mipa 1 leh hmeichhia 3) chu vawiin khan Lawngtlai CCC atangin chhuahtir an ni bawk.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 2388 leh Rapid Antigen Test hmangin sample 6096 endik tawh a ni a. Tun dinhmunah positive case 329 hmuh chhuah tawh niin, dama chhuak 326 an awm tawh a. Positive enkawl lai Lawngtlai CCC-ah mi 3 (mipa 1 leh hmeichhia 2) an la awm.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 11
2. Tourist Lodge - 6
3. PWD Inspection Bungalow - 2
4. Covid Care Centre - 3
Total - 22

B. Home Quarantine - 100

Grand Total (A+B) - 122

Attachment

  • Loading attachment...