No.5863/2020-2021

Lawngtlai, Khuangchawi thla ni 7, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek zat chu vawiin tlai dar 5:00 thleng khan mi 127 a ni a. An zinga mi 87 chu facility quarantine niin, mi 40 chu home quarantine an ni.

Nizanah state pawn atangin mi 6 lo thlen belhin, Medical Quarters-ah 5 leh Tourist Lodge-ah 1 dah an ni a. Home quarantine lai, khung hran hun bi hmang zo mi 6 chhuahtir an ni thung a. Nimina District Hospital Lawngtlai TrueNAT Laboratory-a COVID-19 positive case hmuh chhuah belh mi 1 chu Tourist Lodge atangin Lawngtlai Covid Care Centre (CCC)-ah sawn a ni bawk.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 284 leh Rapid Antigen Test hmangin sample 129 endik a ni ve tawh bawk a. Tun dinhmunah positive case 79 hmuh chhuah tawh niin, dama chhuak 41 an awm tawh a. Enkawl lai mi 38 (mipa 37 leh hmeichhia 1) chu Lawngtlai CCC-ah dah niin, ngaihtuahawm an awm lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 8
2. PWD Inspection Bungalow - 4
3. Medical Quarters - 37
4. Covid Care Centre - 38 (Positive case vek)
Total - 87

B. Home Quarantine - 40

Grand Total (A+B) - 127