Lawngtlai, Pawltlak thla ni 19, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 129 a ni a. An zinga mi 86 chu (COVID-19 positive Lawngtlai CCC-a enkawl mi 32 telin) facility quarantine niin, mi 43 chu home quarantine an ni.

State pawn atanga lo thlen belh mi 11 awmin, PWD Inspection Bungalow-ah 6, Medical Quarters-ah 4 leh Tourist Lodge-ah 1 dah an ni a. Nimina District Hospital Lawngtlaia Rapid Antigen Test hmanga COVID-19 positive hmuh chhuah thar hmeichhe 1 chu Lawngtlai Covid Care Centre (CCC)-ah dah a ni a. COVID-19 positive enkawl dam, Aizawl Khatla CCC atangin mipa 2 leh Lawngtlai CCC atangin mi 8 (mipa 3 leh hmeichhia 5), an zavaiin mi 10 chu vawiin khan chhuahtir an ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 1920 leh Rapid Antigen Test hmangin sample 5451 endik tawh a ni a. Tun dinhmunah positive case 308 hmuh chhuah tawh niin, dama chhuak 276 an awm tawh a. Positive enkawl lai Lawngtlai CCC-ah mi 32 (mipa 23 leh hmeichhia 9) an la awm.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 36
2. Tourist Lodge - 12
3. PWD Inspection Bungalow - 6
4. Covid Care Centre - 32
Total - 86

B. Home Quarantine - 43

Grand Total (A+B) - 129

Attachment

  • Loading attachment...