Lawngtlai, Pawltlak thla ni 12, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 131 a ni a. An zinga mi 59 chu (COVID-19 positive Lawngtlai CCC-a enkawl mi 45 telin) facility quarantine niin, mi 72 chu home quarantine an ni.

Nimina District Hospital Lawngtlaia Rapid Antigen Test hmanga COVID-19 positive hmuh chhuah thar mi 6 (mipa 5 leh hmeichhia 1) chu Lawngtlai Covid Care Centre (CCC)-ah dah an ni a. COVID-19 positive enkawl dam mipa 3 chu vawiin khan Lawngtlai CCC atangin chhuahtir an ni thung a. Khung hran hun bi hmang zo Medical Quarters atangin mi 9 leh Tourist Lodge atangin mi 6 chhuahtir an ni bawk.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 1769 leh Rapid Antigen Test hmangin sample 4944 endik tawh a ni a. Tun dinhmunah positive case 288 hmuh chhuah tawh niin, dama chhuak 241 an awm tawh a. Positive enkawl lai mi 47 (mipa 34 leh hmeichhia 13) zinga 45 chu Lawngtlai CCC-ah enkawl niin, mipa 2 chu Aizawl Khatla CCC-ah enkawl an ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 7
2. Tourist Lodge - 7
3. Covid Care Centre - 45
Total - 59

B. Home Quarantine - 72

Attachment

  • Loading attachment...