Lawngtlai, Pawltlak thla ni 10, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 143 a ni a. An zinga mi 71 chu (COVID-19 positive Lawngtlai CCC-a enkawl mi 42 telin) facility quarantine niin, mi 72 chu home quarantine an ni.

Nizan leh vawiinah state pawn atanga lo thlen belh mi 14 awmin, home quarantine-in AOC Veng, Lawngtlaiah 10 leh 38 RDS Camp-ah 4 dah an ni a. Nimina District Hospital Lawngtlaia COVID-19 positive hmuh chhuah thar 8 (TrueNAT atangin 5 leh Rapid Antigen Test atangin 3) zinga 6 chu Lawngtlai Covid Care Centre (CCC)-ah dah niin, 2 chu Aizawl lamah enkawl an ni thung a. COVID-19 positive enkawl dam mi 4 (mipa 2 leh hmeichhia 2) chu vawiin khan Lawngtlai CCC atanga chhuahtir niin, khung hran hun bi hmang zo mi 21 (PWD Inspection Bungalow atangin 9, Medical Quarters atangin 8 leh Tourist Lodge atangin 4) chhuahtir an ni bawk.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 1669 leh Rapid Antigen Test hmangin sample 4881 endik tawh a ni a. Tun dinhmunah positive case 281 hmuh chhuah tawh niin, dama chhuak 237 an awm tawh a. Positive enkawl lai mi 44 (mipa 32 leh hmeichhia 12) zinga 42 chu Lawngtlai CCC-ah enkawl niin, mipa 2 chu Aizawl lamah enkawl an ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 16

2. Tourist Lodge - 13

3. Covid Care Centre - 42

Total - 71

B. Home Quarantine - 72

Grand Total (A+B) - 143