Lawngtlai, Sahmulphah thla ni 20, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 149 a ni a. An zinga mi 69 chu (COVID-19 positive Lawngtlai CCC-a enkawl mi 47 telin) facility quarantine niin, mi 80 chu home quarantine an ni.

Nizan leh vawiin lama state pawn atanga lo thleng thar mi 3 chu Medical Quarters-ah dah belh niin, nimina District Hospital Lawngtlaia Rapid Antigen Test atanga COVID-19 positive hmuh chhuah thar mipa 2 leh TrueNAT test atanga hmuh chhuah Tourist Lodge-a quarantine lai mipa 1, an zavaiin mi 3 chu Lawngtlai Covid Care Centre (CCC)-ah dah an ni a. COVID-19 positive enkawl dam mi 12 (Lawngtlai CCC atangin 11 leh ZMC atangin 1) bakah, khung hran hun bi hmang zo mi 16 (Tourist Lodge atangin 7, Medical Quarters atangin 6 leh PWD Inspection Bungalow-a awm zawng mi 3) chu chhuahtir an ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 1058 leh Rapid Antigen Test hmangin sample 2912 endik tawh a ni a. Tun dinhmunah positive case 164 hmuh chhuah tawh niin, dama chhuak 117 an awm tawh a. Positive enkawl lai mi 47 (mipa 34 leh hmeichhia 13) chu Lawngtlai CCC-ah dah an ni. 

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 16

2. Tourist Lodge, Lawngtlai - 6

3. Covid Care Centre - 47 (Positive case vek)

Total - 69

B. Home Quarantine - 80

Grand Total (A+B) - 149