Lawngtlai, Sahmulphah thla ni 22, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 167 a ni a. An zinga mi 78 chu (COVID-19 positive Lawngtlai CCC-a enkawl mi 56 telin) facility quarantine niin, mi 89 chu home quarantine an ni.

State pawn atanga lo thleng thar mi 5 chu Lawngtlai AOC Veng-ah home quarantine-a dah niin, nimina District Hospital Lawngtlaia Rapid Antigen Test atanga COVID-19 positive hmuh chhuah thar mi 6 (mipa 1 leh hmeichhia 5) chu Lawngtlai Covid Care Centre (CCC)-ah dah an ni a. Lawngtlai CCC-a enkawl lai, BRO mi leh sa mipa kum 52 mi chu a oxygen level a hniam deuh avangin fimkhur thilah Zoram Medical College (ZMC)-a enkawl chhunzawm turin suan (refer) a ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 1100 leh Rapid Antigen Test hmangin sample 3030 endik tawh a ni a. Tun dinhmunah positive case 178 hmuh chhuah tawh niin, dama chhuak 121 an awm tawh a. Positive enkawl lai mi 57 (mipa 37 leh hmeichhia 20) zinga mipa 1 chu ZMC-ah enkawl niin, a bak mi 56 chu Lawngtlai CCC-ah dah an ni. 

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 16
2. Tourist Lodge, Lawngtlai - 6
3. Covid Care Centre - 56 (Positive case vek)
Total - 78

B. Home Quarantine - 89

Grand Total (A+B) - 167

Attachment

  • Loading attachment...