Lawngtlai, Pawltlak thla ni 3, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 170 a ni a. An zinga mi 97 chu (COVID-19 positive Lawngtlai CCC-a enkawl mi 53 leh DCHC-a enkawl mi 2 telin) facility quarantine niin, mi 73 chu home quarantine an ni.

State pawn atanga lo thlen belh mi 35 zinga 30 chu 38 RDS Camp-ah home quarantine niin, 4 chu Medical Quarters-ah leh 1 chu Tourist Lodge-ah dah an ni a. Nimina District Hospital Lawngtlaia Rapid Antigen Test atanga COVID-19 positive hmuh chhuah thar mipa 2 chu Lawngtlai Covid Care Centre (CCC)-ah dah an ni a. COVID-19 positive enkawl dam mi 19 (mipa 6 leh hmeichhia 13) chu vawiin khan CCC atanga chhuahtir niin, home quarantine lai, khung hran hun bi hmang zo mi 80 (38 RDS Camp - 28; RKRPP Camp, Zorinpui - 14 & BL Steel Camp, Bungtlang 'S' - 38) chu chhuahtir an ni bawk.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 1448 leh Rapid Antigen Test hmangin sample 4522 endik tawh a ni a. Tun dinhmunah positive case 249 hmuh chhuah tawh niin, dama chhuak 194 an awm tawh a. Positive enkawl lai mi 55 (mipa 28 leh hmeichhia 27) zinga 2 chu Lawngtlai DCHC-ah enkawl niin, a bak mi 53 chu Lawngtlai CCC-ah dah an ni. 

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 27

2. Tourist Lodge - 6

3. PWD Inspection Bungalow - 9

4. Covid Care Centre - 53

5. Dedicated Covid Health Centre - 2

Total - 97

B. Home Quarantine - 73

Grand Total (A+B) - 170