Lawngtlai, Ramtuk thla ni 12, 2021: State pawn atanga Lawngtlai District-a lo haw leh lo lut, COVID-19 hri leng laka fimkhur thila khung hran mek leh COVID-19 positive enkawl mek zat chu vawiin tlai dar 5:00 thleng khan mi 3 a ni a. An zavai hian COVID-19 positive vek niin, Lawngtlai Covid Care Centre (CCC)-ah enkawl an ni a, quarantine facility pangngaiah khung hran lai an awm tawh rih lo.

COVID-19 positive enkawl dam mipa 1 chu CCC atangin vawiin khan chhuahtir a ni a. Khung hran hun bi hmang zo, home quarantine-a khung hran la awm chhun mi 8 chu chhuahtir an ni bawk.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1,335; District Hospital Lawngtlaiah TrueNAT hmangin sample 2,541 leh Rapid Antigen Test hmangin sample 6,693 endik tawh a ni a. Tun dinhmunah positive case 333 hmuh chhuah tawh niin, dama chhuak 330 an awm tawh a. Positive enkawl lai Lawngtlai CCC-ah mi 3 (mipa 2 leh hmeichhia 1) an la awm.

COVID-19 hri danna Covishield chu Lawngtlai District-a healthcare worker-te'n January ni 19, 2021 atang khan la tanin, District Hospital Lawngtlai, Sangau PHC, Lungpher 'S' PHC, Bualpui NG PHC, Chawngte CHC, Borapansury PHC, Bungtlang 'S' PHC leh Vaseitlang MC-ah te a thawh khatna pek zawh tawh a ni a, a pumpuiah hri danna thawh khatna hi mi 700-in an la a ni.

Attachment

  • Loading attachment...