Lawngtlai, Khuangchawi thla ni 28, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 46 a ni a. An zinga mi 24 chu (COVID-19 positive CCC-a enkawl mi 10 telin) facility quarantine niin, mi 22 chu home quarantine an ni.

BRO mi leh sa, state pawn atanga lo lut mi 3 chu 71 RCC Camp-ah home quarantine an ni a. Nimina District Hospital Lawngtlaia TrueNAT test leh Sangaua Rapid Antigen Test atanga COVID-19 positive hmuh chhuah thar mipa pahnih (2) chu Lawngtlai Covid Care Centre (CCC)-ah dah luh nghal an ni a. Khung hran hun bi hmang zo mi 7 (Medical Quarters atangin 4 leh Tourist Lodge atangin 3) chhuahtir an ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 588 leh Rapid Antigen Test hmangin sample 1149 endik tawh a ni a. Tun dinhmunah positive case 94 hmuh chhuah tawh niin, dama chhuak 84 an awm tawh a. Enkawl lai mi 10 (M-4; F-6) chu Lawngtlai CCC-ah dah niin, ngaihtuahawm an awm lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 7
2. Medical Quarters - 2
3. PWD Inspection Bungalow - 5
4. Covid Care Centre - 10 (Positive case vek)
Total - 24

B. Home Quarantine - 22

Grand Total (A+B) - 46

Attachment

  • Loading attachment...