State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 48 a ni a. An zinga mi 28 chu (COVID-19 positive Lawngtlai CCC-a enkawl mi 11 telin) facility quarantine niin, mi 20 chu home quarantine an ni.

Vawiina state pawn atanga lo thlen belh mi 10 chu Tourist Lodge-ah dah niin, nimina District Hospital Lawngtlaia Rapid Antigen Test hmanga COVID-19 positive hmuh chhuah thar hmeichhe 2 chu Lawngtlai Covid Care Centre (CCC)-ah dah an ni bawk a. Khung hran hun bi hmang zo mi 21 (Medical Quarters atangin 6, PWD Inspection Bungalow atangin 6, Tourist Lodge atangin 3 leh home quarantine lai 6) chu vawiin khan chhuahtir an ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 2103 leh Rapid Antigen Test hmangin sample 5741 endik tawh a ni a. Tun dinhmunah positive case 318 hmuh chhuah tawh niin, dama chhuak 307 an awm tawh a. Positive enkawl lai Lawngtlai CCC-ah mi 11 (mipa 4 leh hmeichhia 7) an la awm.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 4
2. Tourist Lodge - 13
3. Covid Care Centre - 11
Total - 28

B. Home Quarantine - 20

Grand Total (A+B) - 48

Attachment

  • Loading attachment...