Lawngtlai, Ramtuk thla ni 19, 2021: State pawn atanga Lawngtlai District-a lo haw leh lo lut, COVID-19 hri leng laka fimkhur thila khung hran mek leh COVID-19 positive enkawl mek zat chu vawiin tlai dar 5:00 thleng khan mi 8 a ni a. An zavai hian COVID-19 positive vek niin, Lawngtlai Covid Care Centre (CCC)-ah enkawl an ni a, quarantine facility pangngaiah khung hran lai an awm tawh rih lo.

Nimina District Hospital Lawngtlaia Rapid Antigen Test hmanga COVID-19 positive hmuh chhuah belh mi 4 (mipa 1 leh hmeichhia 3) chu Lawngtlai CCC-ah dah luh an ni a. Vawiin khan Lawngtlai CCC atang vek hian COVID-19 positive enkawl dam hmeichhe 1 chu chhuahtir a ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1,335; District Hospital Lawngtlaiah TrueNAT hmangin sample 2,559 leh Rapid Antigen Test hmangin sample 6,906 endik tawh a ni a. Tun dinhmunah positive case 340 hmuh chhuah tawh niin, dama chhuak 332 an awm tawh a. Positive enkawl lai Lawngtlai CCC-ah mi 8 (mipa 4 leh hmeichhia 4) an la awm.

COVID-19 hri danna Covishield chu Lawngtlai District-ah January ni 19, 2021 atang khan pek chhuah tan niin, healthcare worker leh frontline worker-te'n an la mek a. Nimin thleng khan a thawh khatna (1st dose) hi healthcare worker 704 leh frontline worker 60 te'n la tawhin, a thawh hnihna (2nd dose) hi healthcare worker 173-in an la tawh bawk a ni.

Attachment

  • Loading attachment...