State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 68 a ni a. An zinga mi 3 chu (COVID-19 positive Lawngtlai CCC-a enkawl mi 2 nen) facility quarantine niin, mi 65 chu home quarantine an ni.

Vawiin khan Tourist Lodge atangin khung hran hun bi hmang zo mi 6 chhuahtir niin, COVID-19 positive enkawl dam hmeichhe 1 chu Lawngtlai Covid Care Centre (CCC) atangin chhuahtir a ni bawk a. Aizawl District-a positive hmuh chhuah hmeichhe 1 chu vawiin khan Lawngtlai CCC-ah dah luh a ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1,335; District Hospital Lawngtlaiah TrueNAT hmangin sample 2,503 leh Rapid Antigen Test hmangin sample 6,497 endik tawh a ni a. Tun dinhmunah positive case 330 hmuh chhuah tawh niin, dama chhuak 329 an awm tawh a. Positive enkawl lai Lawngtlai CCC-ah hmeichhia 1 a la awm.

COVID-19 hri danna Covishield chu Lawngtlai District-a healthcare worker-te'n January ni 19, 2021 atang khan la tanin, District Hospital Lawngtlai, Sangau PHC, Lungpher 'S' PHC, Bualpui NG PHC, Chawngte CHC leh Borapansury PHC-ah te pek a ni a, a pumpuiah mi 523-in hri danna hi an la tawh a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. PWD Inspection Bungalow - 1
2. Covid Care Centre - 2
Total - 3

B. Home Quarantine - 65

Grand Total (A+B) - 68

Attachment

  • Loading attachment...