Lawngtlai, Pawlkut thla ni 27, 2021: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 74 a ni a. An zinga mi 9 chu (COVID-19 positive Lawngtlai CCC-a enkawl mi 2 telin) facility quarantine niin, mi 65 chu home quarantine an ni.
Nimin piah khan quarantine centre atangin khung hran hun bi hmang zo mi 3 (Tourist Lodge atangin 2 leh PWD Inspection Bungalow atangin 1) chhuahtir an ni a. Lawngtlai District-a swab sample lak, Zoram Medical College (ZMC)-ah RT-PCR test hmangin sample 1,335; District Hospital Lawngtlaiah TrueNAT hmangin sample 2,477 leh Rapid Antigen Test hmangin sample 6,473 endik tawh a ni a. Tun dinhmunah positive case 330 hmuh chhuah tawh niin, dama chhuak 328 an awm tawh a. Positive enkawl lai Lawngtlai CCC-ah hmeichhia 2 an la awm.
COVID-19 hri danna Covishield chu Lawngtlai District-a healthcare worker-te'n an la chho mek a. January ni 19, 2021 atang khan pek tan niin, District Hospital Lawngtlai, Sangau PHC, Lungpher 'S' PHC, Bualpui NG PHC leh Chawngte CHC-ah te pek a ni a, a pumpuiah mi 501-in hri danna hi an la tawh a ni.
Tuna Lawngtlai District-a quarantine dinhmun chu heti ang hi a ni:
A. Government Quarantine Facility:
1. Tourist Lodge - 6
2. PWD Inspection Bungalow - 1
3. Covid Care Centre - 2
Total - 9
B. Home Quarantine - 65
Grand Total (A+B) - 74
