No.6291/2020-2021

Lawngtlai, Khuangchawi thla ni 20, 2020: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek zat chu vawiin tlai dar 5:00 thleng khan mi 75 a ni a. An zinga mi 54 chu facility quarantine niin, mi 21 chu home quarantine an ni.

Vawiinah state pawn atangin mi 1 lo thlen belhin, Tourist Lodge-ah dah a ni a. Nimina District Hospital Lawngtlaia Rapid Antigen Test atanga COVID-19 positive case pahnih hmuh chhuah thar chu Lawngtlai Covid Care Centre (CCC)-ah dah luh nghal an ni a. COVID-19 positive enkawl dam mipa 1 chu vawiin khan CCC atangin chhuahtir a ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 453 leh Rapid Antigen Test hmangin sample 446 endik tawh a ni a. Tun dinhmunah positive case 86 hmuh chhuah tawh niin, dama chhuak 80 an awm tawh a. Enkawl lai mi 6 (M-4; F-2) chu Lawngtlai CCC-ah dah niin, ngaihtuahawm an awm lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 10
2. PWD Inspection Bungalow - 6
3. Medical Quarters - 32
4. Covid Care Centre - 6 (Positive case vek)
Total - 54

B. Home Quarantine - 21

Grand Total (A+B) - 75

Attachment

  • Loading attachment...