Lawngtlai, Pawlkut thla ni 23, 2021: State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 78 a ni a. An zinga mi 13 chu (COVID-19 positive Lawngtlai CCC-a enkawl mi 3 telin) facility quarantine niin, mi 65 chu home quarantine an ni.

State pawn atanga lo thlen belh mi 3 awmin, PWD Inspection Bungalow-ah 1 leh home quarantine-in Lawngtlai Vengpui-ah 2 dah an ni a. Khung hran hun bi hmang zo mi 9 (Medical Quarters atangin 5 leh Tourist Lodge atangin 4) chhuahtir niin, COVID-19 positive enkawl dam hmeichhe 1 chu vawiin khan Lawngtlai Covid Care Centre (CCC) atangin chhuahtir a ni bawk.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 2459 leh Rapid Antigen Test hmangin sample 6408 endik tawh a ni a. Tun dinhmunah positive case 330 hmuh chhuah tawh niin, dama chhuak 327 an awm tawh a. Positive enkawl lai Lawngtlai CCC-ah mi 3 (mipa 1 leh hmeichhia 2) an la awm.

COVID-19 hri danna Covishield chu Lawngtlai District-a healthcare worker-te'n an la chho mek a. January ni 19, 2021 atang khan District Hospital Lawngtlai, Sangau PHC, Lungpher 'S' PHC leh Bualpui NG PHC-ah te pek niin, a pumpuiah mi 428-in hri danna hi an la tawh a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge - 8
2. PWD Inspection Bungalow - 2
3. Covid Care Centre - 3
Total - 13

B. Home Quarantine - 65

Grand Total (A+B) - 78

Attachment

  • Loading attachment...