State pawn atanga Lawngtlai District-a lo haw leh lo lut, COVID-19 hri leng laka fimkhur thila government quarantine facility leh home quarantine-a khung hran mek leh COVID-19 positive enkawl mek zat chu vawiin tlai dar 5:00 thleng khan mi 85 a ni a. An zinga mi 22 chu (COVID-19 positive Lawngtlai CCC-a enkawl mi 4 telin) facility quarantine niin, mi 63 chu home quarantine an ni.

State pawn atanga lo thlen belh mi 8 awmin, Tourist Lodge-ah 5 leh home quarantine-in 38 RDS Camp-ah 3 dah an ni a. Khung hran hun bi hmang zo mi 10 (Medical Quarters atangin 6, Tourist Lodge atangin 3 leh PWD Inspection Bungalow atangin 1) chhuahtir an ni thung.

Lawngtlai District-a swab sample lak, Zoram Medical College (ZMC)-ah RT-PCR test hmangin sample 1335, District Hospital Lawngtlaiah TrueNAT hmangin sample 2441 leh Rapid Antigen Test hmangin sample 6308 endik tawh a ni a. Tun dinhmunah positive case 330 hmuh chhuah tawh niin, dama chhuak 326 an awm tawh a. Positive enkawl lai Lawngtlai CCC-ah mi 4 (mipa 1 leh hmeichhia 3) an la awm.

COVID-19 hri danna Covishield chu Lawngtlai District-a healthcare worker-te'n an la chho mek a. January ni 19, 2021 atang khan District Hospital Lawngtlaiah ni 3 chhung pek niin, vawiinah Sangau PHC-ah pek leh a ni a, a pumpuiah mi 361-in hri danna hi an la tawh a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Medical Quarters - 5
2. Tourist Lodge - 12
3. PWD Inspection Bungalow - 1
4. Covid Care Centre - 4
Total - 22

B. Home Quarantine - 63

Grand Total (A+B) - 85

Attachment

  • Loading attachment...