No.3148/2020-2020  

Lawngtlai, Vawkhniahzawn thla ni 16, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 104 a ni.

Nizana Zoram Medical College (ZMC)-a Lawngtlai District atanga swab sample 44 RT-PCR test atangin positive hmuh chhuah thar 9 a awm a. Positive hmuh chhuah tharte hi mipa 7 leh hmeichhia 2, kum 13-54 inkar, Assam, Bihar leh West Bengal atanga lo haw an ni a. Lawngtlai Covid Care Centre (CCC)-ah dah luh nghal niin, ngaihtuahawm an awm lo. Heti hian case awm sa 4 nen Lawngtlai District-ah positive case 13 a awm mek a ni.

Vawiin khan Bangalore atanga lo haw mi 3 lo thlen belhin, Circuit House Lawngtlaiah dah an ni a. Khung hran hun bi hmang zo tawh leh RT-PCR test-a negative, Tourist Lodge atangin mi 7, Medical Quarters atangin mi 5 leh CCC atangin mi 1, an zavaiin mi 13 chhuahtir an ni thung.

Zoram Medical College (ZMC)-a RT-PCR test tura swab sample thawn tawh zawng zawng 1007 chu result hriat kim tawh niin, result nghah lai a awm tawh rih lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 10

2. Circuit House, Lawngtlai - 12

3. Medical Quarters, Lawngtlai - 33

4. Govt Lawngtlai College - 19

5. PWD Inspection Bungalow, Lawngtlai - 3

6. Covid Care Centre - 13 (Positive case vek)

A Total - 90

B. Home Quarantine - 14

Grand Total (A+B) - 104