No.5175/2020-2021   

Lawngtlai, Mimkut thla ni 17, 2020: Lawngtlai District mi leh sa state pawn atanga lo haw leh positive close contact, government quarantine facility leh home quarantine-a khung hran mek zat chu vawiin tlai dar 5:00 thleng khan mi 121 a ni a. An zinga mi 54 chu facility quarantine niin, mi 67 chu home quarantine an ni.

State pawn atanga lo lut mi 4 lo thlen belhin, Tourist Lodge-ah 3 leh 71 RCC Camp-ah home quarantine-in 1 dah an ni a. Hei bakah hian Sangaua COVID-19 positive close contact mi 7 chu home quarantine an ni bawk a. Khung hran hun bi hmang zo, Medical Quarters atanga chhuahtir mi 2 an awm thung.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 40 leh Rapid Antigen Test hmangin sample 57 endik a ni ve tawh bawk a. Tun dinhmunah positive case 34 hmuh chhuah tawh niin, dama chhuak 29 an awm tawh a. Enkawl lai 5 zinga 1 chu ZMC-ah enkawl niin, a bak mi 4 chu Lawngtlai Covid Care Centre (CCC)-ah dah an ni thung.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 11

2. PWD Inspection Bungalow - 3

3. Medical Quarters - 36

4. Covid Care Centre - 4 (Positive case vek)

Total - 54

B. Home Quarantine - 67

Grand Total (A+B) - 121