No.3593/2020-2020

Lawngtlai, Vawkhniahzawn thla ni 29, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 6:00 thleng khan mi 123 a ni a. Nizana Zoram Medical College (ZMC)-a RT-PCR test atangin positive case hmuh chhuah thar pakhat (1) awmin, tun dinhmunah Lawngtlai District-ah COVID-19 positive case 14 a awm mek a, an zavai hian Lawngtlai Covid Care Centre-ah enkawl niin, dinhmun ngaihtuahawm an awm lo.

Nizana ZMC-a Lawngtlai District atanga swab sample thawn 27 RT-PCR test zingah hian positive case awm sa 13 te sample test nawn tur chu telin, 12 chu a negative a, 1 erawh a la positive rih thung. Heti hian Lawngtlai District atanga ZMC-a RT-PCR test tura sample thawn tawh zawng zawng chu 1104 niin, result nghah mek a awm tawh rih lo a ni.

Vawiin khan state pawn atanga lo haw mi 5 lo thlen belhin, Medical Quarters-ah dah an ni a. Quarantine centre atanga chhuahtir erawh an awm lo.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 9
2. Circuit House, Lawngtlai - 24
3. PWD Inspection Bungalow - 7
4. Medical Quarters - 55
5. Covid Care Centre - 16 (Positive case 14)
A Total - 111

B. Home Quarantine - 12

Grand Total (A+B) - 123