No.5295/2020-2021

Lawngtlai, Mimkut thla ni 21, 2020: Lawngtlai District mi leh sa state pawn atanga lo haw leh positive close contact, government quarantine facility leh home quarantine-a khung hran mek zat chu vawiin tlai dar 5:00 thleng khan mi 124 a ni a. An zinga mi 61 chu facility quarantine niin, mi 63 chu home quarantine an ni.

Vawiin khan state pawn atanga lo lut mi 1 lo thlen belhin, PWD Inspection Bungalow-ah dah a ni a. Lawngtlai Covid Care Centre (CCC) atangin COVID-19 positive enkawl dam mipa pakhat (1) leh Medical Quarters atangin khung hran hun bi hmang zo mi 1 chhuahtir an ni a. Nimina District Hospital Lawngtlai TrueNAT Laboratory-a COVID-19 positive case hmuh chhuah belh mi 2 chu 71 RCC Camp quarantine centre atangin Lawngtlai Covid Care Centre-ah sawn an ni bawk.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 119 leh Rapid Antigen Test hmangin sample 57 endik a ni ve tawh bawk a. Tun dinhmunah positive case 40 hmuh chhuah tawh niin, dama chhuak 30 an awm tawh a. Enkawl lai 10 zinga 1 chu ZMC-ah enkawl niin, a bak mi 9 chu Lawngtlai CCC-ah dah an ni thung.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 13
2. PWD Inspection Bungalow - 4
3. Medical Quarters - 35
4. Covid Care Centre - 9 (Positive case vek)
Total - 61

B. Home Quarantine - 63

Grand Total (A+B) - 124