No.3712/2020-2021 

Lawngtlai, Thlazing ni 2, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 128 a ni a. COVID-19 positive mi 3 te chu Lawngtlai Covid Care Centre (CCC)-ah an hriselna dinhmun vil reng a ni a, ngaihtuahawm an awm lo.

Nizan khan state pawn atangin KMMTTP kawng siam hna thawktu RDS Company hnuaia hna thawk mi 21 lo thlen belhin, anmahni camp lamah home quarantine an ni a. Khung hran hun bi hmang zo va, RT-PCR test-a negative mi 8 (Circuit House atangin mi 7 leh Tourist Lodge atangin mi 1) chhuahtir an ni thung.

Zoram Medical College (ZMC)-a RT-PCR test tura swab sample thawn tawh zawng zawng 1166 atangin 59 result nghah mek a ni a. Result hriat tawh chinah positive 22 hmuh chhuah ni tawhin, 19 chu dama chhuahtir an ni tawh a, enkawl lai 3 an la awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 8

2. Circuit House, Lawngtlai - 18

3. PWD Inspection Bungalow - 7

4. Medical Quarters - 58

5. Covid Care Centre - 4 (Positive case 3)

A Total - 95

B. Home Quarantine - 33

Grand Total (A+B) - 128