No.2689/2020-2020

Lawngtlai, Vawkhniahzawn thla ni 2, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 6:00 thleng khan mi 168 a ni.

Vawiin khan state pawn atangin mi 3 lo thlen belhin, Tourist Lodge Lawngtlaiah dah an ni a. ANM School Lawngtlaia awm zawng zawng mi 12, Tourist Lodge Lawngtlai atangin mi 5, Medical Quarters atangin mi 5, Covid Care Centre atangin mi 2, Don Bosco School Lawngtlai atangin mi 1 leh home quarantine atangin mi 2, an zavaiin mi 27 chu an khung hran hun bi a kim tawh avang leh RT-PCR test-a negative result an neih avangin chhuahtir an ni.

Nizana Zoram Medical College (ZMC)-a RT-PCR test zingah Lawngtlai District atanga swab sample thawn zawng zawng chu a negative vek a. Heti hian Lawngtlai District atanga ZMC-a test tura swab sample thawn tawh zawng zawng 848 result chu hriat kim vek tawh niin, result nghah lai a awm rih lo va. Sample lak hmabak erawh a la awm thung.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:
1. Tourist Lodge, Lawngtlai - 18
2. Circuit House, Lawngtlai - 41
3. Medical Quarters, Lawngtlai - 26
4. Don Bosco School, Lawngtlai - 9
5. Govt Lawngtlai College Women's Hostel - 19
6. Govt Chawnhu Middle School - 21
7. Govt Chandmary Primary School-I - 5
8. PWD Inspection Bungalow, Lawngtlai - 7
9. Covid Care Centre - 1
A Total - 147

B. Home Quarantine - 21

Grand Total (A+B) - 168