No.5469/2020-2021 

Lawngtlai, Mimkut thla ni 26, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 176 a ni a. An zinga mi 65 chu facility quarantine niin, mi 111 chu home quarantine an ni.

Nizan khan state pawn atanga lo lut mi 12 lo thlen belhin, Medical Quarters-ah 7, PWD Inspection Bungalow-ah 4 leh Tourist Lodge-ah 1 dah an ni a. Lawngtlai Covid Care Centre (CCC) atangin COVID-19 positive enkawl dam mipa 2 bakah, khung hran hun bi hmang zo Lawngtlai Chandmary leh Sangau-a home quarantine lai mi 9 chhuahtir an ni a. Nimina District Hospital Lawngtlaia COVID-19 positive case hmuh chhuah belh mi 2 (TrueNAT-1; RAgT-1) te chu an quarantine-na centre atangin Lawngtlai Covid Care Centre-ah sawn an ni bawk.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 163 leh Rapid Antigen Test hmangin sample 98 endik a ni ve tawh bawk a. Tun dinhmunah positive case 42 hmuh chhuah tawh niin, dama chhuak 32 an awm tawh a. Enkawl lai 10 zinga 1 chu ZMC-ah enkawl niin, a bak mi 9 chu Lawngtlai CCC-ah dah an ni thung.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 10
2. PWD Inspection Bungalow - 8
3. Medical Quarters - 38
4. Covid Care Centre - 9 (Positive case vek)
Total - 65

B. Home Quarantine - 111

Grand Total (A+B) - 176

Attachment

  • Loading attachment...