No.2961/2020-2020
Lawngtlai, Vawkhniahzawn thla ni 10, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 184 a ni a. COVID-19 positive mi 4 te chu Lawngtlaia Covid Care Centre (CCC)-ah dah niin, an hriselna dinhmun vil reng a ni a, ngaihtuahawm an awm lo.
Vawiin khan an khung hran hun bi hmang zo tawh leh RT-PCR test-a negative Govt Lawngtlai College atangin mi 3, Covid Care Centre atangin mi 1 leh home quarantine atangin mi 6, an zavaiin mi 10 chu chhuahtir an ni.
Nizan khan Zoram Medical College (ZMC)-ah Lawngtlai District atanga swab sample 43 chu RT-PCR test tih a ni a, a vaiin a negative vek a. Heti hian Lawngtlai District atanga swab sample thawn tawh zawng zawng hi 942 niin, result nghah lai 1 a awm.
Tuna Lawngtlai District-a quarantine dinhmun chu heti ang hi a ni:
A. Government Quarantine Facility:
1. Tourist Lodge, Lawngtlai - 22
2. Circuit House, Lawngtlai - 32
3. Medical Quarters, Lawngtlai - 67
4. Govt Lawngtlai College - 28
5. PWD Inspection Bungalow, Lawngtlai - 10
6. Covid Care Centre - 6 (Positive case 4 telin)
A Total - 165
B. Home Quarantine - 19
Grand Total (A+B) - 184
