No.5369/2020-2021

Lawngtlai, Mimkut thla ni 23, 2020: Lawngtlai District mi leh sa state pawn atanga lo haw leh positive close contact, government quarantine facility leh home quarantine-a khung hran mek zat chu vawiin tlai dar 5:00 thleng khan mi 188 a ni a. An zinga mi 67 chu facility quarantine niin, mi 121 chu home quarantine an ni.

Nizan leh vawiin lama state pawn atanga lo thlen belh mi 59 zinga mi 6 chu Medical Quarters-ah dah niin, a bak 71 RCC hnuaia hna thawk mi 53 chu 71 RCC Camp-ah home quarantine-in dah an ni a. Tourist Lodge atangin khung hran hun bi hmang zo mi 5 chhuahtir an ni thung.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1335 chu a result hriat kim tawh a ni a, Lawngtlaiah TrueNAT hmangin sample 119 leh Rapid Antigen Test hmangin sample 57 endik a ni ve tawh bawk a. Tun dinhmunah positive case 40 hmuh chhuah tawh niin, dama chhuak 30 an awm tawh a. Enkawl lai 10 zinga 1 chu ZMC-ah enkawl niin, a bak mi 9 chu Lawngtlai CCC-ah dah an ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 12
2. PWD Inspection Bungalow - 4
3. Medical Quarters - 42
4. Covid Care Centre - 9 (Positive case vek)
Total - 67

B. Home Quarantine - 121

Grand Total (A+B) - 188