No.2920/2020-2020

Lawngtlai, Vawkhniahzawn thla ni 9, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 6:00 thleng khan mi 194 a ni a. COVID-19 positive mi 4 te chu Lawngtlaia Covid Care Centre (CCC)-ah dah niin, an hriselna dinhmun vil reng a ni a, ngaihtuahawm an awm lo.

Vawiin khan Guwahati atangin mi 10 lo thlen belhin, Govt Lawngtlai College-ah dah an ni a. Nimin leh vawiinah Govt Chawnhu Middle School-a la awm zawng zawng mi 10, Govt Chandmary Primary School-I-a awm zawng zawng mi 5 leh Circuit House Lawngtlai atangin mi 5, an zavaiin mi 20 chhuahtir an ni thung.

Nimin leh vawiin khan Zoram Medical College (ZMC)-a RT-PCR test turin swab sample 44 thawn belh niin, heti hian Lawngtlai District atanga swab sample thawn tawh zawng zawng hi 942 a ni a, result nghah lai 44 a awm.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 22
2. Circuit House, Lawngtlai - 32
3. Medical Quarters, Lawngtlai - 67
4. Govt Lawngtlai College - 31
5. PWD Inspection Bungalow, Lawngtlai - 10
6. Covid Care Centre - 7 (Positive case 4 telin)
A Total - 169

B. Home Quarantine - 25

Grand Total (A+B) - 194