No.4740/2020-2021

Lawngtlai, Mimkut thla ni 3, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 28 a ni a. Lawngtlai District-a COVID-19 positive enkawl lai mi 7 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.

Vawiinah state pawn atanga lo haw mi 2 lo thlen belhin, Medical Quarters-ah dah an ni a. September ni 1 atanga ni 3 inkarah khung hran hun bi hmang zo va, RT-PCR test-a negative mi 10 (Medical Quarters atangin 7 leh Tourist Lodge atangin 3) chhuahtir an ni thung.

Tukin khan Zoram Medical College (ZMC)-a RT-PCR test turin swab sample 12 thawn niin, result nghah mek a ni a. Lawngtlai District atanga swab sample thawn tawh zawng zawng hi 1321 niin, Lawngtlaiah Rapid Antigen Test hmangin sample 48 endik a ni ve tawh bawk a. Tun dinhmunah positive case 31 hmuh chhuah tawh niin, dama chhuak 24 an awm tawh a, enkawl lai 7 an la awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 8
2. PWD Inspection Bungalow - 3
3. Medical Quarters - 6
4. Covid Care Centre - 7 (Positive case vek)
Total - 24

B. Home Quarantine - 4

Grand Total (A+B) - 28

Attachment

  • Loading attachment...