No.4872/2020-2021

Lawngtlai, Mimkut thla ni 8, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 37 a ni.

Lawngtlai District-a COVID-19 positive case, Zoram Medical College (ZMC)-a RT-PCR hmanga swab sample endik nawn a nih hnua negative ta hmeichhe pakhat (1) chu vawiin khan Lawngtlai Covid Care Centre (CCC) atangin dam taka chhuahtir a ni a. Heti hian Lawngtlai District-a positive case hmuh chhuah tawh zawng zawng 31 atangin dama chhuak 29 an awm ta a. Tun dinhmunah positive case CCC-a enkawl lai 2 (hmeichhia 1 leh mipa 1) an la awm mek a ni.

Vawiinah state pawn atanga lo haw mi 6 lo thlen belhin, Medical Quarters-ah dah an ni a. ZMC-a RT-PCR test tura Lawngtlai District atanga swab sample thawn tawh zawng zawng 1333 chu a result hriat kim tawh niin, Lawngtlaiah TrueNAT hmangin sample 3 leh Rapid Antigen Test hmangin sample 48 endik a ni ve tawh bawk.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 8
2. PWD Inspection Bungalow - 4
3. Medical Quarters - 15
4. Covid Care Centre - 2 (Positive case ve ve)
Total - 29

B. Home Quarantine - 8

Grand Total (A+B) - 37