No.4583/2020-2021  

Lawngtlai, Thlazing ni 30, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 39 a ni a. Lawngtlai District-a COVID-19 positive mi 10 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.

Vawiin khan state pawn atanga lo haw mi 1 lo thlen belhin, PWD Inspection Bungalow-ah dah a ni a. Khung hran hun bi hmang zo va, RT-PCR test-a negative mi 8 (Medical Quarters atangin mi 5 leh Tourist Lodge atangin mi 3) chhuahtir an ni thung.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1298 chu result hriat kim tawh niin, Lawngtlaiah Rapid Antigen Test hmangin sample 48 endik a ni ve tawh bawk a. Tun dinhmunah positive case 31 hmuh chhuah tawh niin, dama chhuak 21 an awm tawh a, enkawl lai 10 an la awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 11
2. PWD Inspection Bungalow - 3
3. Medical Quarters - 11
4. Covid Care Centre - 10 (Positive vek)
Total - 35

B. Home Quarantine - 4

Grand Total (A+B) - 39


Attachment

  • Loading attachment...