No.4389/2020-2021
Lawngtlai, Thlazing ni 22, 2020: Lawngtlai District mi leh sa state pawn atanga lo haw, government quarantine facility-a khung hran mek zat chu vawiin tlai dar 5:00 thleng khan mi 52 a ni a. Lawngtlai District-a COVID-19 positive mi 10 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.
Vawiin khan KMMTTP kawng siam hna thawktu RDS Company hnuaia hna thawk, anmahni camp lama home quarantine lai mi 21 chu an khung hran hun bi a zawh tawh avang leh RT-PCR test-a an negative avangin chhuahtir an ni a. Quarantine centre-a luh belh an awm lo.
Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1273 chu a result hriat kim tawh niin, Lawngtlaiah Rapid Antigen Test hmangin sample 46 endik a ni ve tawh bawk a. He'ng test atang hian positive case 31 hmuh chhuah tawh niin, dama chhuak 21 an awm tawh a, enkawl lai 10 an la awm mek a ni.
Tuna Lawngtlai District-a quarantine dinhmun chu heti ang hi a ni:
Government Quarantine Facility:
1. Tourist Lodge, Lawngtlai - 9
2. PWD Inspection Bungalow - 1
3. Medical Quarters - 32
4. Covid Care Centre - 10 (Positive vek)
Total - 52
