No.5029/2020-2021

Lawngtlai, Mimkut thla ni 12, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 53 a ni a. Nizana Lawngtlaia TrueNAT khawl hmanga positive hmuh chhuah 2 nen Lawngtlai District-ah COVID-19 positive enkawl lai mi 4 awmin, Lawngtlai Covid Care Centre (CCC)-ah an hriselna dinhmun vil reng a ni a, ngaihtuahawm an awm lo.

Vawiinah lo thlen belh an awm lo va, khung hran hun bi hmang zo mi 4 (Medical Quarters atangin 2 leh Tourist Lodge atangin 2) chhuahtir an ni thung.

Zoram Medical College (ZMC)-a RT-PCR test tura Lawngtlai District atanga swab sample thawn tawh zawng zawng 1333 chu a result hriat kim tawh niin, Lawngtlaiah TrueNAT hmangin sample 20 leh Rapid Antigen Test hmangin sample 48 endik a ni ve tawh bawk a. Tun dinhmunah positive case 33 hmuh chhuah tawh niin, dama chhuak 29 an awm tawh a, enkawl lai 4 an awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 8
2. PWD Inspection Bungalow - 4
3. Medical Quarters - 29
4. Covid Care Centre - 4 (Positive case vek)
Total - 45

B. Home Quarantine - 8

Grand Total (A+B) - 53

Attachment

  • Loading attachment...