No.1680/2020-2021

Lawngtlai, Nikir thla ni 4, 2020: Lawngtlai District mi leh sa state pawn atanga lo hawte chu lo thlen belh zelin, vawiin tlai dar 6:00 thleng khan khung hran (quarantine) mek mi 596 an awm.

Vawiin khan Kolkata atangin mi 16, Uttarakhand atangin mi 2 leh Silchar atangin mi 2, an zavaiin mi 20 te chuan Lawngtlai an lo thleng ve leh a, Medical Quarters-ah mi 16, Tourist Lodge-ah mi 2 leh Home Quarantine-ah mi 2 dah an ni a. Quarantine hun bi hmang zo tawh mi 2 chu Tourist Lodge atangin mahni in lama inkhung chhunzawm turin chhuahtir an ni bawk.

Hetih lai hian sawrkar thu chhuak angin Red Zone atanga lo haw Lawngtlai District-a quarantine mekte swab sample chu medical team te'n an laksak mek a. Zoram Medical College (ZMC)-ah RT-PCR test turin nimin khan sample 131 leh vawiinah sample 82 thawn niin, a result nghah mek a ni a. Vawiin khan sample 44 lak ni bawkin, naktukah ZMC lamah thawn ve leh a ni ang.

Tuna Lawngtlai District-a quarantine dinhmun chu heti ang hi a ni:

1. Govt Lawngtlai College - 113
2. DIET, Lawngtlai - 85
3. Medical Quarters, Lawngtlai - 59
4. Don Bosco School, Lawngtlai - 66
5. Circuit House, Lawngtlai - 58
6. Tourist Lodge, Lawngtlai - 26
7. Covid Care Centre, Lawngtlai - 56
8. ANM School, Lawngtlai - 41
9. Circuit House, Chawngte 'C' - 30
10. Tourist Lodge, Chawngte 'C' - 18
11. LADC Rest House, Chawngte 'P' - 3
12. Home Quarantine - 41
Total - 596

Attachment

  • Loading attachment...