No.101/2020-2021

Lawngtlai, Nikir thla ni 19, 2020: Lawngtlai District mi leh sa state pawn atanga lo haw, government quarantine facility, community quarantine facility leh home quarantine-a khung hran mek zat chu nimin tlai dar 6:00 thleng khan mi 667 a ni a. An zinga pariat, COVID-19 positive-te chu Lawngtlai Covid Care Centre-ah dah hran niin, an hriselna dinhmun vil reng a ni a, ngaihtuahawm an awm rih lo.

Nimina Karnataka leh Delhi atanga lo haw mi 9 lo thlen belhte chu Govt Chawnhu Middle School-ah dah an ni a. Myanmar atanga hna thawktu lo lut mi 10 zinga 5 chu Govt Chandmary Primary School-I-ah dah niin, 5 dang chu Zochachhuaha an camp-ah home quarantine an ni thung.

Chawngtea government quarantine facility pathum (3)-a khung hran mi 51, Lawngtlai Medical Quarters-a khung hran mi 4, Lawngtlai Tourist Lodge-a khung hran mi 2 leh home quarantine mek mi 4, an zavaiin mi 61 chu an khung hran hun bi a kim tawh avang leh RT-PCR test-a negative result an neih avangin nimin khan chhuahtir an ni bawk.

Nimin khan Zoram Medical College (ZMC)-a RT-PCR test turin swab sample 49 thawn belh leh a ni a. Heti hian sample thawn tawh zawng zawng hi 741 niin, result hriat tawh 594 a awm a, he'ng zinga pariat chu positive case niin, result nghah lai 147 a la awm.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 23
2. Circuit House, Lawngtlai - 59
3. Medical Quarters, Lawngtlai - 117
4. PWD Inspection Bungalow, Lawngtlai - 11
5. ANM School, Lawngtlai - 30
6. Don Bosco School, Lawngtlai - 34
7. Govt Lawngtlai College - 112
8. DIET Thingkah - 75
9. Govt Thingkah Middle School - 28
10. Govt Chawnhu Middle School - 21
11. Govt Chandmary Primary School-I - 5
12. Covid Care Centre - 14 (positive case 8 telin)
A Total - 529

B. Community Quarantine Facility:

1. BCM Bethani, College Veng, Lawngtlai - 20
2. LIKBK Bethel, Chandmary, Lawngtlai - 20
3. LIKBK Centre Church, Bazar Veng, Lawngtlai - 31
4. PCI Bazar Veng, Lawngtlai - 25
B Total - 96

C. Home Quarantine - 42

Grand Total (A+B+C) - 667