No.4334/2020-2021  

Lawngtlai, Thlazing ni 20, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 5:00 thleng khan mi 88 a ni a. Lawngtlai District-a COVID-19 positive mi 10 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.

Vawiinah state pawn atangin mi 6 lo thlen belhin, Medical Quarters-ah mi 5 leh Tourist Lodge-ah mi 1 dah an ni a. Nimin lamah khung hran hun bi hmang zo va, RT-PCR test-a negative Medical Quarters atanga chhuahtir mi 7 an awm bawk.

Tukin khan ZMC-a RT-PCR test turin swab sample 26 thawn niin, result nghah mek a ni a. Lawngtlai District atanga swab sample thawn tawh zawng zawng hi 1273 niin, Lawngtlaiah Rapid Antigen Test hmangin sample 46 endik a ni ve tawh bawk a. Result hriat tawh chinah positive case 31 hmuh chhuah tawh niin, dama chhuak 21 an awm tawh a, enkawl lai 10 an la awm mek a ni.

Tuna Lawngtlai District-a quarantine dinhmun chu heti ang hi a ni:

A. Government Quarantine Facility:

1. Tourist Lodge, Lawngtlai - 9

2. PWD Inspection Bungalow - 1

3. Medical Quarters - 47

4. Covid Care Centre - 10 (Positive vek)

A Total - 67

B. Home Quarantine - 21

Grand Total (A+B) - 88