No.4157/2020-2021
Lawngtlai, Thlazing ni 16, 2020: Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu vawiin tlai dar 7:00 thleng khan mi 92 a ni a. Lawngtlai District-a COVID-19 positive mi 3 te chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an awm lo.
Nimin leh vawiin khan state pawn atanga lo haw mi 8 lo thlen belhin, Medical Quarters-ah mi 5 leh Tourist Lodge-ah mi 3 dah an ni a. Khung hran hun bi hmang zo va, RT-PCR test-a negative Medical Quarters atangin mi 4 chhuahtir an ni thung.
Nimina Zoram Medical College (ZMC)-a RT-PCR test turin swab sample 24 thawn chu a result nghah mek a ni a, heti hian Lawngtlai District atanga swab sample thawn tawh zawng zawng chu 1247 niin, hei bakah hian Lawngtlaiah Rapid Antigen Test hmangin sample 46 endik a ni ve tawh bawk a. Result hriat tawh chinah positive case 24 hmuh chhuah tawh niin, dama chhuak 21 an awm tawh a, enkawl lai 3 an la awm mek a ni.
Tuna Lawngtlai District-a quarantine dinhmun chu heti ang hi a ni:
A. Government Quarantine Facility:
1. Tourist Lodge, Lawngtlai - 12
2. PWD Inspection Bungalow - 7
3. Medical Quarters - 48
4. Covid Care Centre - 4 (Positive case 3)
A Total - 71
B. Home Quarantine - 21
Grand Total (A+B) - 92
